Մեր մասին
Մենք բոլորս ցանկանում ենք տեսնել մեր երեխաներին ժպտալիս, ցանկանում ենք նրանց մանկությունը դարձնել գունեղ և անմոռանալի: Սակայն որքան մեծանում են մեր երեխաները, այնքան ավելի դժվար է լինում բավարարել նրանց մանկական պահանջները: Սա թերևս հայտնի ճշմարտություն է և միաժամանակ դժվար խնդիր շատ ու շատ ծնողների համար: «Իսկ ի՞նչ անել, ինչպե՞ս բավարարել մեր փոքրիկների պահանջները: Ի՞նչ անել, եթե մեր փոքրիկներն ուզում են այնպիսի խաղալիքներ, որոնք կամ դժվար է գտնել, կամ էլ թանկ են»:
Վստահաբար սրանք այն հարցերն են, որոնք անհանգստացնում են թերևս յուրաքանչյուր ծնողի: Եվ հենց այս հարցերի պատասխանները կարող եք գտնել մեզ մոտ՝ Պոպո նվերների աշխարհում: Մատչելիություն, որակ և բարձր սպասարկում. սրանք այն ամենակարևոր չափանիշներն են, որոնցով առաջնորդվում է Պոպո նվերների աշխարհը: Մենք անում ենք ամեն ինչ, որպեսզի թե՛ Ձեր երեխաները, և թե՛ Դուք լինեք գոհ և բավարարված:
Պոպո նվերների խանութը մի աշխարհ է, որտեղ Ձեր երեխան կգտնի այն, ինչն իրոք կբավարարի իր մանկական ցանկությունները: Պոպոն առաջարկում է ուսուցողական, գունեղ, զվարճալի, գեղեցիկ և ամենակարևորն անվնաս խաղալիքների լայն տեսականի ձեր երեխաների համար: Այսպիսով, վստահեք ձեր երեխաների ժպիտը մեզ:
Իսկ գուցե Ձեզ անհրաժեշտ են հուշանվերնե՞ր կամ էլ պատրաստվում եք կազմակերպել Ձեր կամ Ձեր երեխայի ծննդյան երեկոն և փնտրում եք համապատասխան պարագանե՞ր: Սա ևս մեզ համար խնդիր չէ: Մենք առաջարկում ենք հուշանվերների, մարզասարքերի, ջրային, սպորտային, ծննդյան պարագաների լայն ընտրանի: Այսպիսով POPO-ն կարող է դառնալ Ձեր լավ ընկերը և հուշել՝ ինչ նվիրել:
Պոպո նվերների խանութն իր գործունեությունը սկսել է 2005 թվականից` տնօրեն Միսակ Մելքոնյանի գլխավորությամբ: Մեր հասցեներն են Կոմիտասի 19 (Արաբկիր վարչ. շրջան Երևանում) , <<Փեթակ>> առևտրի կենտրոն (տաղավար 216), <<Տաշիր Կապիտալ>> առևտրի կենտրոն (Փեթակի հարևանությամբ):
Իսկ POPO.AM առցանց խանութը սկսել է իր գործունեությունը 2013 թվականից:Այն ստեղծված է խնայելու Ձեր ժամանակը և ավելի հասանելի դարձնելու մեր ապրանքների տեսականին:Այժմ Պոպոն հասանելի է մեր սպառողներին երկրագնդի ցանկացած կետից, շաբաթը 7 օր,օրվա ցանկացած ժամին:
Միշտ կսպասենք ձեզ ժպիտով և կհուշենք ինչ նվիրել: