Սեղանի խաղ՝ «Արդյոք ովքե՞ր են»

Խաղի միջոցով պարզե՛ք, թե ձեզնից ով է ավելի լավ ճանաչում հայտնի մարդկանց: Խաղը բաղկացած է 6 կատեգորիաներից.

• Դերասաններ
• Երգիչներ
• Քաղաքական գործիչներ
• Սպորտսմեններ
• Արվեստագետներ
•  Հայտնի հայեր

Տուփում առկա է.

• Խաղաքարտ - 147 հատ
• Ավազե ժամացույց - 1 հատ 

Խաղում առկա են երկու տարբեր խաղեր (բաժիններ):

> 1-ին բաժնում առկա է 75 խաղաքարտ, խաղաքարտերի վերևի հատվածում հայտնի մարդու նկարն է և անունը, իսկ ներքևի հատվածում՝ 3 հայտնի փաստ նրա մասին: → 2-րդ բաժնում առկա է 72 խաղաքարտ, որոնց մի կողմում հայտնի մարդու նկարն է և անունը, իսկ հակառակ կողմում` նրա մասին հայտնի տեղեկություն և 3 տարբերակ՝ ընտրելու, թե ում է պատկանում այդ բնութագիրը Խաղի ընթացում մասնակիցերն ունենում են օգնության 2 հնարավորություն. 1. զանգ ընկերոջը (2 րոպեի ընթացքում ), 2. հարցը փոխելու հնարավորություն

Ինչպե՞ս խաղալ․

Կարող եք խաղալ երկու բաժինները միասին՝ սկզբից վերցնելով խաղաքարտ առաջին խմբից, այնուհետև՝ երկրորդ կամ կարող եք խաղալ առանձին-առանձին: Ինչպես նաև հնարավոր է մրցել և՛ 2 մասնակցով, և՛ թիմերով: 1-ին խումբ խաղաքարտերը փակ վիճակում դրվում են սեղանին, իսկ 2-րդ խումբ խաղաքարտերը՝ տեղեկություն պարունակող կողմով։

1-ին բաժին

1. Մասնակիցներից կամ թիմի անդամներից մեկը վերցնում է որևէ խաղաքարտ և հակառակորդ մասնակցի համար կարդում ներքևի հատվածում գրված 3 փաստերը՝ առանց հայտնի մարդու անունն ասելու: 2.Մասնակիցը կամ թիմը 2 րոպեի ընթացքում փորձում է գուշակել՝ որ հայտնի մարդու մասին են այդ փաստերը: 3. Եթե գուշակել է մինչ ժամանակի ավարտը, արագորեն վերցնում է այլ խաղաքարտ և նույն տրամաբանությամբ շարունակում: 4. Անկախ նրանից` մասնակիցը գուշակե՞լ է, թե՞ ոչ, խաղն անցնում է հակառակորդին: 5. Յուրաքանչյուր գուշակած քարտ մեկ միավոր է։ Հաղթած խաղաքարտը պահեք ձեզ մոտ:

2-րդ բաժին

1. Մասնակիցներից մեկը վերցնում է որևէ խաղաքարտ, առանց այն շրջելու՝ կարդում տեղեկությունը և փորձում գուշակել, թե պատասխաներում նշված երեք մարդկանցից ում մասին էր տվյալ տեղեկությունը։ 2. Հարցը կարդալու և պատասխանելու համար տրվում է 2 րոպե ժամանակ։ 3. Պատասխանելուց հետո շրջում է խաղաքարտը և ստուգում պատասխանը։ 4. Եթե արդեն հնչել է պատասխանը, և դեռ կա ժամանակ, վերցնում է այլ խաղաքարտ և շարունակում այնքան ժամանակ, մինչ ավարտվի 2 րոպեն: 5.Անկախ նրանից՝ մասնակիցը գուշակե՞լ է, թե՞ ոչ խաղն անցնում է հակառակորդ մասնակցին կամ թիմին: 6.Յուրաքանչյուր գուշակված քարտ մեկ միավոր է։ Հաղթած խաղաքարտը պահե՛ք ձեզ մոտ:

Խաղի ավարտ

Խաղն ավարտվում է, երբ վերջանում են բոլոր խաղաքարտերը, և հաշվարկվում են միավորները: Խաղում հաղթում է ամենից շատ ճիշտ պատասխանած մասակիցը կամ թիմը: